Na Igrexa de Santo Estevo en Ourense veñen de ser atopados catro aneis miragrosos que supostamente pertenceron aos Bispos da Idade Media e que estaban dentro dunha furna. O achádego sorprendeu aos investigadores que xa os deran por perdidos.
Os catro aneis de prata e con pedras de diversa calidade apareceron de xeito inesperado cando se desmontaba o altar maior da igrexa románica de Santo Estevo. Estaban dentro dunha bolsa de seda xunto a varios documentos.
As reliquias, supostamente, pertenceron a catro dos nove bispos de Santo Estevo de Ribas de Sil da Idade Media e son coñecidos coma “aneis milagreiros”. O delegado de Patrimonio da diocese de Ourense L,uis Manuel Cuña, non agochaba a sua sorpresa tras case 400 anos sen abrir os relicarios.
Dende o Bispado de Ourense queren ser cautelosos e de momento porá os anéis en máns de estudosos de xoias medievais para o seu estudo.
Durante os traballos iniciais foi aberta a urna que se conservaba no relicario esquerdo, onde se conservan os restos de catro dos santos bispos.
ATOPADOS NA URNA DAS RELIQUIAS
A urna preséntase dividida en catro compartimentos, que presuntamente conservan as reliquias dos catro. Nun dos compartimentos, entre as reliquias óseas, atopouse unha bolsa de tea (probablemente seda) con bordados en fío de ouro. Ante a sorpresa dos presentes, dentro da pequena bolsa atopábanse catro aneis de prata con pedras de diversa calidade e dous documentos escritos.
Un deles é unha pequena etiqueta en pergamiño, que debía recoller os catro aneis. Na parte interna da mesma aparece un texto no que se pode ler: "Estes quatro aneis son dos que quedaron dos nove Santos Bispos. Son os que quedaron. Os demais desapareceron. Por eles pásase auga para os enfermos e sandan mo[itos]".
MUSEOS VATICANOS
Se son ou non os aneis milagrosos é algo que deberá estudarse acudindo a fontes históricas e a especialistas en xoias medievais e en tecidos antigos, na que se espera a colaboración dos expertos da Dirección Dirección Xeral de Patrimonio da Xunta de Galicia e de «amigos restauradores de metais preciosos que traballan nos famosísimosMuseos Vaticanos», indica o Obispado.
