Viaje Express

Esta semana descubrimos un novo xeodestino na provincia de Ourense: O Ribeiro - O Carballiño. Ademais, repasamos a actualidade turística, viaxamos ata Cabo Verde con Javier Arnau e degustamos as novidades do gourmet galego na feira "Etiqueta Negra". A entrevista viaxeira desta semana tivo a un galego e un andaluz como convidados: os poetas Antonio García Teijeiro e Juan Carlos Martín.

Comezamos o programa repasando a actualidade da semana e visitando a parroquia pontevedresa de Salcedo nunha primeira viaxe express. Visítanos a pianista Isabel Pérez Dobarro para levarnos polo mundo coa música clásica como fío condutor. Coñecemos o proxecto "Morada Atlántica" a través dunha exposición que nos leva pola Costa da Morte co océano como protagonista. Rematamos a viaxe en Silleda para descansar no "Remanso de Trasfontao".

Neste venres 17 de maio viaxamos por algúns dos escenarios importantes na vida de Antonio Fraguas: desde Cerdedo-Cotobade, a súa vila natal, ata Santiago de Compostela. Na capital galega facemos parada coa directora da Revista Pincha, Rebeca Munín, para poñernos ao día sobre as últimas propostas de cultura e gastronomía. A banda sonora do programa correu a cargo da cantante Lucía Pérez, unha galega viaxeira orgullosa do Incio que celebra 15 anos na música co seu novo traballo "Quince soles". Completamos a viaxe practicando Windsurf Foil en Limens, na ría de Vigo

Comezamos o programa repasamos a actualidade máis turística e facendo unha viaxe express pola Compostela de Antonio Fraguas. No tempo da entrevista convidamos ao novo director do Museo de Pontevedra, Jose Manuel Rey. Estreamos sección coa fotoxornalista Alba Sotelo, unha auténtica "rural influencer" que vai propoñernos unha viaxe diferente polas parroquias galegas. O noso destino final é Bilbao da man da viceconsejera de Turismo do Goberno Vasco, Isabel Muela.

Comezamos celebrando que as montañas do Courel acaban de ser catalogadas como o primeiro Xeoparque Mundial da Unesco e, nesta viaxe antes da Semana Santa, visitamos Ferrol e Viveiro. Convidamos a dous guías profesionais para coñecer o traballo da APIT - Asociación Profesional de Guías de Turismo de Galicia e percorremos o Camiño Portugués ao seu paso por Caldas de Reis. Para completar a viaxe comemos unha receita de premio: a cociñada por Diego Bello no I Certame Estrella Galicia de Cocina Atlántica celebrado no Salón Gourmets de Madrid

Viaxamos en familia con Begoña Estévez desde "Vigopeques", ela é a galega viaxeira que nos visita esta semana. Ademais, organizamos a última cuchipanda de inverno con Carlos Taboada e Quique Mauricio, os amigos de Polo Correo do Vento. Visitamos Navia de Suarna para sumarnos á súa Feira da Androlla e rematamos a viaxe na cidade de Lugo para celebrar os dous soles Repsol que acaba de conseguir o Restaurante España de Héctor López

Comezamos repasando a actualidade máis viaxeira e visitando a Ribeira Sacra, destino express desta semana. Percorremos o mundo guiados por Ángel de la Cruz, guionista, produtor, escritor, docente e galego viaxeiro. En Ames coñecemos o pioneiro proxecto "Fisterra Bovine World" e na Coruña rematamos a viaxe para descansar no Hotel Carrís Marineda despois dunha escapada de "shopping"

Repasamos a actualidade máis viaxeira da semana e recibimos a visita de Carlos Taboada e Quique Mauricio, os mozos de Polo Correo do Vento, que cada fin de mes nos levan de #cuchipanda por Galicia. Polo mundo andaremos guiados por Rubén López, o galego viaxeiro que convidamos á entrevista para percorrer os países dos que fala no seu blog "Caminante del Planeta". Visitamos Meis como destino express e rematamos a viaxe na Feira do Viño de Amandi de Sober

O entroido guía parte da viaxe deste venres ao tempo que descubrimos a Galicia máis autentica con Cristina Collazo, co-fundadora de "Volta Montana". Buscamos unha experiencia de enoturismo visitando as adegas "Vía Romana" en Chantada. Para descansar escollemos Fisterra, aloxámonos nun hotel da natureza cunha atención 100% personalizada: "Mar da Ardora"

Viaxamos por Galicia facendo paradas en Cambados e Vilagarcía para comer na Fonte do Viño e divertirnos nunha nova edición de Fexturrón. Escoitamos os "Murmullos entre maletas" de Ana Otero, que este venres nos leva ata os mercadiños de Nadal de Alemaña. E, compensamos o frío xermano coa calor de Río de Janeiro: ata Brasil nos leva o cantautor Gustavo Almeida